Kunning um játtanir frá Fiskivinnuroyndum 2021
sunnudagur, 31. januar 2021
Fiskimálaráðið hevur gjørt av at játta pening til 15 nýggjar verkætlanir av játtanini til Fiskivinnuroyndir 2021.
Harumframt er framhaldandi játtan latin 7 verkætlanum. Allar 7 verkætlanirnar byrjaðu í 2020 (5 eru tveyáraverkætlanir og 2 eru trýáraverkætlanir).
Tilsamans er talan um 22 játtanir fyri 2021. 42 umsøkjarar vóru í ár.
Eitt yvirlit yvir allar játtanirnar sæst á Fylgiskjal 1 í frágreiðingini: Kunning um verkætlanir játtaðar av Fiskivinnuroyndum 2021.
Frágreiðingin:
Kunning um verkætlanir játtaðar av Fiskivinnuroyndum 2021
Fylgiskjal 1 - Verkætlanir játtaðar 25. jan. 2020
Fylgiskjal 2 - Lidnar verkætlanir í 2020 (nakrar eru seinkaðar)
Skriv er sent í posti til allar umsøkjararnar. Brøvini vera framm í fyrstu viku av februar 2021.
Øll tey nýggju játtanarskrivini 2021 síggjast við at trýsta her
Øll játtanarskrivini um framhald 2021 síggjast við at trýsta her
Gev Gætur: Framløgudagurin 2021, sum skuldi vera fastalávintsmánadag 15. februar 2021 í ár uppi á Hotell Føroyum, er avlýstur vegna coronu!
Næsti framløgudagur verður fastalavintsmánadagin 28. feb. 2022!
JM 31/1- & 5/2-21
Fiskivinnunýskapan, -menning og -gransking
fvg.fo er heimasíða, sum lýsir granskingar- og menningar-virksemið innan fiskivinnu, sum Fiskimálaráðið umsitir.
Fiskivinnuroyndir játtaði 15 nýggjar og 7 framhaldandi verkætlanir fyri 2021 (sí kunning um FVR2021)
Fiskivinnuroyndir játtaði 14 nýggjar og 6 framhaldandi verkætlanir fyri 2020 (sí kunning um FVG2020)
Fiskivinnuroyndir játtaði 15 nýggjar og 9 framhaldandi verkætlanir fyri 2019 (sí kunning um FVG2019)
Fiskivinnuroyndir játtaði 19 nýggjar og 7 framhaldandi verkætlanir fyri 2018 (sí kunning um FVG2018)
Stevnan fyri fiskivinnuroyndir er at fremja royndir og kanningar – bæði praktiskar, vinnuligar og vísindaligar, ið menna og økja um framleidni í føroyskari fiskivinnu við atliti at lívfrøðiligari, búskap-arligari og samfelagsligari burðar-dyggari gagnnýtslu av havtilfanginum.
